Tuesday, March 15, 2011

"The Thank You Girl"

Note: Ang pagkakapareho ng mga pangalan at pangyayari ay purely coincidental lamang. Ito ay gawa ng isang baklang may malikot na pagiisip. Huwag seryosohin. Nakakawrinkles.

* * *


Thank You Girl
-Babae o baklang nagexert ng sobrang effort sa isang possible jowa pero unfortunately,all efforts were never reciprocated. Yung tipo bang “I did my best but I guess my best wasn't good enough”. Yun ang Thank You Girl. Yung tipong after all,thank you lang ang maririnig.

* * *

“Ati! Nagtext na si Shino,nasa may Mcdo na daw sya.” sabi ko sa kay Rovi na nakikipagusap sa mga kasama namin sa Coffee Bean

“Ayy. Puntahan natin?” tanong nito.

“Tara!” sagot kong maligalig.

At parang kaming mga batang mabilis na naglalakad papaunta sa lugar kung saan namin susunduin si Shino. Maraming tao sa Trinoma nun dahil unang linggo ng Enero,sabik ang mga taong gumala dahil malapit na namang magresume ang klase ng mga estudyante. Wala pang 5 minuto ay dumating kami sa lugar kung saan namin pupuntahan si Shino,member ng isang online site na pangbeki.

“Asan na Redgie? Ang tagal naman.” naiinip na sabi ni Rovi

“Ewan ko Ati. Wait lang itetext ko.”

Tinext ko agad si Shino at sinabi na nandun na kami sa McDo. Ilang segundo pa may nakita na akong lalaking papalapit sa akin. Nakita kong nakatingin si Rovi gamit ang kanyang malamlam na mga mata,kinurot ako nito at nagsalita.

“Bakla. Ayan na ata si Shino.” sabi nito.

“Oo nga ate.” sagot ko.

“In fairness,mahal sya ng camera. Mas gwapo sya sa picture.”

“Gaga ka talaga!”

“Tange,echos lang yun. Basta mabait sya okay sya sakin.” sagot nito.

Agad kong nilapitan si Shino and I insisted a handshake. Pinakilala ko rin si Rovi and naging okay din naman. As we were heading up kung san nandon ang mga bakla,Rovi was trying to make Shino comfortable dahil first time nga nyang sumama sa gathering ng mga PLU.

Wala pang 5 kembot ay narating na namin ang Coffee Bean at napakilala na ang isa't isa. Lumapit sa amin si Alex at hinatak kami sa gilid.

“Nanay Rovi,ayan si Shino?” chismosang sabi nito.

“Yes anak.” sagot ni Rovi.

“Mas cute sya sa picture.” mahina at natatawang sabi pa ni Alex.

“Hayaan mo na nga Alex. Mahalaga nagappear sya. Galing pa sya ng Las Pinas no!” sabat ko

“Oo nga. May sinabi pa ba ako? sagot ni Alex

“Wala na. Kiki mo.” sagot ko.

“Tara na. Inaantay na tayo nila Ante sa venue.” pagputol ni Rovi sa usapan.

“Okay.” sagot naming dalawa ni Alex.

Just when we're about to go,nakita kong paparating si Bash kasama ang isa pang bonggang bakla. OMG. Si Bash. I suddenly feel na kinikilig ako. Di ko alam kung bakit. Di ako mapakali at lakad na ako ng lakad,for some unknown reasons,natatameme ako.

“Uyyyy Bash!” pagbati ko dito.

“Uyyy. LF.” sabi nito sa akin sabay ngiti.

LF kasi ang tawag nila sa akin online. Pero Redgie talaga ang name ko.

“Ang lansa Alex. Tara dun tayo sa iba.” pangaasar ni Rovi.

Then Bash and I were given the chance to talk. Well,kasama naman talaga sya sa party like what he promised. Nagbiro sya na gusto nya ng TenderJuicy Hotdog at sineryoso ko naman. I asked Alex to buy one kilo for him.

Akala ko magiging okay na,di pa pala.

* * *

Nakarating kami sa party ng matiwasay. Kasabay ko sa taxi si Bash at iba pa. Masaya ako with the thought that he's around. Ewan ko ba,para akong batang may crush sa isang kalaro. Iba ang kilig na dinadala ni Bash sa akin. Nakakaloka.

Bash actually looks great. Maganda yung mata,maliit ito na di ko mawari kung singkit ba. Matangos din ang ilong nito,tapos pag ngumiti may biloy naman. Di lang masyadong kalakihan ang katawan pero mawoworkout naman yun. Isa pa cute ng boses nya. Ang liit! Hahaha!

Dumating kami sa party kasama ang ilang mga bakla. Kahit simple,naging masaya namang ang pagtitipon dahil cooperative naman ang mga participants. Paikot ikot kaming mga organizers para na rin masiguro na walang naa-out of place. Nakita ko si Alex na nakikipagusap sa mga bagong mukha,si Rovi naman ay nakaupo sa pagitan ni Shino at ni Bash. Nakahilig ang ulo ni Bash sa kaliwang balikat ni Rovi. Nakakairita naman tong Rovi na to. Ang landi.

Nakita ni Rovi na nakatingin ako sa kanya. Tumitig ito sa akin at ngumisi ng nakakaloko. Alam kong ng dinadaot lang ako nito. Pero somehow,nakaramdam ako ng inggit. Sana sa balikat ko nalang nakalean ang ulo ni Bash. Nakakakilig siguro yun. Sabay buntong-hininga.

Dumating na ang mga Elders di kalaunan. Dumating na si Tyang Nena with his/her/its Celia Rodriguez inspired look. Dumating din ang iba pang mga guest coming for different places.

Natahimik ang lahat ng pumunta sa gitna ang isa sa mga moderator na si Junabels. Nagwika ito.

“Pwede na po tayong kumain.” sabi nito habang minemaintain ang katawan nitong tinubuan ng poise.

Ang mga patay gutom na mga bakla ay nagmadaling gumora sa hapag kainan na kakikitaan ng kung anu-anong pagkain. Nakita ko si Rovi na nagaassist sa iba at kinukuha nya ito ng pagkain. Si Alex naman ay tumulong sa pagdidistribute ng mga plastic cups. Si Levi naman ang naglagay ng pangalan sa mga plastic cups para di magkapalit ng mga baso.

Dali-dali akong umalis at niluto ko ang hotdog na gusto ni Bash. Pinagigihan ko ang pagpiprito. Nakakaloka,as if naman mahirap ang magluto ng hotdog. Pinagluto ko sya ng tatlong piraso,meaning I love you. Bongga! Hinango ang hotdog sa mantika,at nilagay ito sa paper plate. Binaba ko ang hotdog sa paperplate sa mesa at tumingin muna sa salamin. Inayos ko ang aking sarili dahil haharap ako kay Bash. This is it.

Lumabas ako ng party area at nakita kong kumakain si Bash at Shino na magkatabi. Di sila nagkikibuan and I felt different. Lumapit ako kay Bash,tumingin sya sa akin. Nakaramdam ako ng kakaiba. Para bang bumagal ang paligid,tapos yung hangin malakas hinahangin yung buhok ko,tapos may napakagandang background music na tumutugtog habang papalapit ako sa kanya. Susmiyo.

Panira ng moment,biglang tumugtog ang "Telephone" ni Lady Gaga.

Going back,dali-dali akong lumapit kay Bash para iabot sa kanya ang hotdog. Ngumiti ako sa kanya,sinuklian nya ako ng isang pagkatamis tamis na ngiti.

“Ikaw talaga LF! Nagabala ka pa. Salamat ah!” sabi nito.

“Wala yan. Sabihin mo pa sakin kung gusto mo pa.” sabi ko

“Tangna,parang matrona lang ang dating ah?” pagepal ni Rovi sa usapan.

Tangna naman tong Rovi na to oh. Nagmomoment kami eh? Kung pwede lang kitang tirisin titirisin kita. Kakaloka!

“Musta ka Bashyy?” sabi ni Rovi kay Bash

Agad na sinubuan ni Bash si Rovi ng hotdog. Kumagat si Rovi at inakbayan sya ni Bash sa harap ko.

Putangina. Nanadya ba tong mga to?

“Sige Bash,enjoy muna kayo,umuusok na yuing ilong ni Redgie.”

Before I could say anything,biglang nawala si Rovi sa eksena at humalo sa ibang baklang nagkekwentuhan. Hunyango talaga. Gago. So there was me and Bash left.

“Bash?”

“Yep?”

“Kailan tayo pwede lumabas?” sagot ko.

“Ha? Seryoso ka ba dun? Akala ko joke lang. Sige sige. Pag wala akong load itetext kita agad.” sagot nitong nakangiti.

“Oo seryoso ako.”

“Sige. Ischedule natin.”

* * *

Ilang linggo matapos ang party,nakaramdam ako ng iba sa way ng pagtetext namin ni Bash. Parang lagi na syang busy at laging mainitin ang ulo pagdating sa akin. Alam ko naman na wala akong karapatan magalit,magdemand o masaktan,pero tangama naman. Di ko naman kayang pigilan ang puso ko sa kung anumang emosyon ang pwede nitong maramdaman. Di ko maintindihan. Alam ko sa sarili ko na nalulungkot ako pero di ko pinapansin. Sa twing kasama ko sila Rovi at Alex at lagi kong pinapakita na okay ako at di ako nagiisip ng kung anu-ano.

Umuwi ako ng bahay galing sa school. Humiga sa aking munting kama at di ko na naman maisip kung anong nangyari sa niluluto naming loveteam ni Bash. Mukhang di na ata maisasakatuparan. Malabo na,ngayong pakiramdam ko ay unti-unti na syang lumalayo sa akin. Di ko na alam ang gagawin ko.

Kinuha ko ang aking cellphone na nasa ilalim ng aking unan. I took the courage to text Bash kahit alam kong malamang ay di sya magreply.

“Bash,kailan tayo ulit lalabas?”

Wala syang reply. Nalungkot ako.

Ilang minuto ang nakalipas,naramdaman ko nalang ang pagvibrate ng phone ko. To my surprise,tumatawag si Bash.

Inayos ko ang boses ko at pinindot ang answer button.

“Hello?”

“LF. Musta?” sabi ni Bash sa kabilang linya.

“Okay naman. Ikaw? Ano balita?” tanong kong sunod-sunod,halata ang kilig sa boses ko.

“Eto,okay naman. Masaya.”

“Wow. Good. Bakit naman masaya? Ako din masaya kasi tumawag ka.” nangingiri kong banat.

“Ikaw talaga.” sagot nito.

“Bakit ka nga happy?” pangungulit ko.

“Ahhh, Do you remember Shino? Nung party?” tanong nito.

Nakaramdam ako ng kakaiba. Nakita kong kumunot ang noo ko sa narinig.

“Yeah. Why?”

“Wag ka maingay ah?” sabi nito.

“Oo.”

“Kami na ni Shino.”

PAK!

“Ahhh.” sabi kong naluluha.

“Yep. Ang saya ko nga eh grabe.”

“Wow. Good for the two of you.” sabi ko.

“Yep. Sana nga.” sabi nito.

“I'm happy for you Bash.” sabi kong nagpipigil ng luha.

“Yep. Salamat LF.”

“You're welcome.”

“LF,maraming salamat nga pala sa lahat. Thank you.”

“You're welcome Bash. You're welcome.”

Naputol na ang tawag. Binagsak ko ang aking katawan sa sabik na sabik kong kama. Bumuhos ang mga luha. Thank You Bash. Thank You.

W A K A S

3 comments:

Unknown said...

Wagas! ahaha!

at harujusko, walang keme keme sa pangalan ha! pangalan kung pangalan?

at ano daw yung "katawang tinubuan ng poise"? windang naman ako dun, nyahahaha!

unbroken said...

Hahaha! Wala na kasi akong maisip na pangalan. sabi ko nga ang pagkakapareho ng mga pangalan at pangyayari ay purely coincidental lamang :P

Aparador Prince said...

nasaktan naman ako dun sa mga nagtakbuhan para kumain. haha :)